مظفرآباد: آزاد جموں و کشمیر ہائی کورٹ نے کابینہ کے ایجوکیشن پیکج 2026 پر نظرثانی کے فیصلے پر حکم امتناعی جاری کر دیا ہے۔ عدالت نے اس فیصلے کے خلاف دائر درخواستوں کو باقاعدہ سماعت کے لیے منظور کر لیا۔
ہائی کورٹ کے سینئر جج جسٹس سید شاہد بہار نے درخواستوں کی سماعت کی۔ عدالت کے اسٹے آرڈر کے نتیجے میں حکومت کا ایجوکیشن پیکج 2026 پر نظرثانی کا اقدام عدالتی کارروائی کے مکمل ہونے تک معطل رہے گا۔
یہ درخواستیں کابینہ کے فیصلے کے خلاف دائر کی گئی تھیں جن میں درخواست گزاروں نے ایجوکیشن پیکج پر نظرثانی کے معاملے پر عدالتی مداخلت کی استدعا کی تھی۔
آئندہ عدالتی کارروائی میں کابینہ کے فیصلے کی قانونی حیثیت اور حکومت کے پیکج پر نظرثانی کے اختیار کا تعین ہوگا۔
Leave a Reply