پنجاب کے نو بورڈز آف انٹرمیڈیٹ اینڈ سیکنڈری ایجوکیشن کے تحت میٹرک (نہم اور دہم جماعت) کے سپلیمنٹری امتحانات 6 اکتوبر 2026 سے شروع ہوں گے۔ نتائج کا اعلان 8 دسمبر 2026 کو متوقع ہے۔
یہ شیڈول لاہور، راولپنڈی، گوجرانوالہ، ملتان، فیصل آباد، سرگودھا، بہاولپور، ڈیرہ غازی خان اور ساہیوال سمیت تمام نو بورڈز پر یکساں طور پر لاگو ہوگا۔
2026 کے سالانہ امتحانات میں میٹرک کے امتحانات رمضان کے پیش نظر 27 مارچ سے شروع ہوئے تھے۔ دہم جماعت کے نتائج کا اعلان 6 اگست اور نہم جماعت کے نتائج کا 2 ستمبر کو کیا گیا تھا۔
انٹرمیڈیٹ کے سپلیمنٹری امتحانات 3 نومبر سے شروع ہوں گے اور نتائج 12 جنوری 2027 کو متوقع ہیں۔ انٹرمیڈیٹ سپلیمنٹری کے لیے داخلے سنگل فیس کے ساتھ 24 ستمبر سے 6 اکتوبر، ڈبل فیس کے ساتھ 13 اکتوبر اور ٹرپل فیس کے ساتھ 17 اکتوبر تک جمع کرائے جا سکتے ہیں۔
پہلی سالانہ انٹرمیڈیٹ کے امتحانات 20 مئی سے شروع ہوئے تھے۔ بارہویں جماعت کے نتائج کا اعلان 23 ستمبر کو کیا گیا، جبکہ رپورٹس کے مطابق گیارہویں جماعت کے نتائج اکتوبر میں جاری کیے جائیں گے۔
Leave a Reply