محتسب کی مداخلت پر 77 فارما کمپنیوں کو 38 کروڑ 70 لاکھ روپے کے واجبات مل گئے

The Federal Ombudsman's office building.

Written by

in

24 نیوز کے مطابق وفاقی محتسب کی مداخلت پر 77 دوا ساز کمپنیوں کو طویل عرصے سے زیر التوا 38 کروڑ 70 لاکھ روپے کے واجبات مل گئے ہیں۔

تفصیلات کے مطابق 77 کمپنیاں کئی برس سے اپنے واجبات کی ادائیگی کی منتظر تھیں۔ وفاقی محتسب نے معاملے کا نوٹس لیا اور ڈرگ ریگولیٹری اتھارٹی آف پاکستان (ڈریپ) کو ہدایات جاری کیں، جس کے بعد زیر التوا ادائیگیاں جاری کر دی گئیں۔

وفاقی محتسب اعجاز احمد قریشی نے ڈریپ کو ہدایت کی کہ مسئلہ تین ماہ کے اندر حل کیا جائے، جس کے بعد واجبات ادا کر دیے گئے۔

اعجاز احمد قریشی کا کہنا تھا کہ دوا ساز کمپنیوں کو واجبات کی بروقت ادائیگی ادویات کی بلا تعطل فراہمی کے لیے ضروری ہے۔

تحقیقات سے معلوم ہوا کہ واجبات کئی برس سے زیر التوا تھے اور کئی کمپنیاں 50 لاکھ روپے یا اس سے زائد کی ادائیگی کی منتظر تھیں۔

Comments

Leave a Reply

Your email address will not be published. Required fields are marked *