پنجاب میں گندم کی اسٹوریج گولیوں کی غیر قانونی فروخت کے خلاف کریک ڈاؤن

Punjab has cracked down on the illegal sale of toxic wheat storage tablets.

Written by

in

محکمہ زراعت پنجاب نے گندم کی اسٹوریج کے لیے استعمال ہونے والی زہریلی گولیوں کی غیر قانونی فروخت کے خلاف صوبہ بھر میں کریک ڈاؤن شروع کر دیا ہے۔

محکمے کے مطابق کریک ڈاؤن گندم کی اسٹوریج کے لیے استعمال ہونے والی زہریلی گولیوں فاسٹاکسن (ایلومینیم فاسفائیڈ) کی غیر قانونی خرید و فروخت کے خلاف ہے۔ ترجمان کا کہنا ہے کہ محکمہ زراعت زہریلی گولیوں کی غیر قانونی فروخت کے مکروہ دھندے میں ملوث عناصر کے خلاف زیرو ٹالرینس پالیسی پر عمل پیرا ہے۔

محکمہ زراعت کا کہنا ہے کہ اب تک زہریلی گولیوں کی غیر قانونی فروخت میں ملوث عناصر کے خلاف 78 مقدمات کا اندراج اور 35 افراد کو گرفتار کیا گیا ہے۔ گندم کی زہریلی گولیوں کی فروخت بچوں، خواتین اور کم عمر افراد کو سختی سے ممنوع ہے، اور ان گولیوں کی خرید و فروخت کو شفاف بنانے کے لیے صوبہ بھر میں سخت مانیٹرنگ کی جا رہی ہے۔

غیر رجسٹرڈ ڈیلرز، غیر مجاز دوکانداروں اور کریانہ اسٹورز پر گندم کی گولیوں کی فروخت ممنوع ہے، اور خلاف ورزی کرنے والوں کے خلاف قانون کے مطابق سخت کارروائی کی جائے گی۔ مزید معلومات کے لیے ایگریکلچر ہیلپ لائن 0800-17000 پر روزانہ صبح 08:00 بجے سے رات 08:00 بجے تک رابطہ کیا جا سکتا ہے۔

Comments

Leave a Reply

Your email address will not be published. Required fields are marked *