Tag: پاکستان برآمدات

  • پاکستان کا پانچ سال میں قیمتی پتھروں کی برآمدات ایک ارب ڈالر تک پہنچانے کا ہدف

    پاکستان کا پانچ سال میں قیمتی پتھروں کی برآمدات ایک ارب ڈالر تک پہنچانے کا ہدف

    پاکستان نے آئندہ پانچ سال میں قیمتی پتھروں کی برآمدات ایک ارب ڈالر تک پہنچانے کا ہدف مقرر کر لیا ہے، وزیراعظم کے معاون خصوصی لیفٹیننٹ جنرل (ر) محمد ظفر اقبال نے منگل 18 نومبر 2026 کو کہا۔

    اسلام آباد میں ایک بین الاقوامی ورکشاپ سے خطاب کرتے ہوئے ظفر اقبال نے کہا کہ پاکستان قدرتی وسائل اور قیمتی پتھروں کے وسیع ذخائر سے مالا مال ہے اور ملک میں قیمتی پتھروں کے ذخائر کا تخمینہ 450 ارب ڈالر لگایا گیا ہے، تاہم اس شعبے کی سالانہ برآمدات محض 58 لاکھ ڈالر ہیں جو اس کی حقیقی صلاحیت کے مقابلے میں انتہائی کم ہیں۔

    انہوں نے بتایا کہ پاکستان میں 30 سے زائد اقسام کے قیمتی پتھروں کی پراسیسنگ کرنے والی 5000 سے زائد کمپنیاں موجود ہیں، اور حکومت اس شعبے کو عالمی سطح پر مسابقتی اور برآمدات پر مبنی صنعت بنانے کے لیے اصلاحات متعارف کروا رہی ہے۔

    ظفر اقبال کا کہنا تھا کہ قیمتی پتھروں کی عالمی منڈی تک رسائی بہتر بنانے اور پاکستانی مصنوعات پر بین الاقوامی اعتماد بڑھانے کے لیے بین الاقوامی سرٹیفکیشن نظام متعارف کروانے اور نیشنل وارنٹی آفس قائم کرنے کی تجویز بھی زیر غور ہے۔

    انہوں نے کہا کہ ان اقدامات کا مقصد پاکستان کے قیمتی پتھروں کی عالمی مارکیٹ میں بہتر شناخت، معیار کی تصدیق اور برآمدات میں اضافہ یقینی بنانا ہے تاکہ ملک کے قدرتی وسائل کو معاشی ترقی اور زرمبادلہ کے حصول کے لیے مؤثر انداز میں استعمال کیا جا سکے۔

  • پاکستان کی برآمدات پہلے چار ماہ میں 11 ارب 37 کروڑ ڈالر کی بلند ترین سطح پر

    پاکستان کی برآمدات پہلے چار ماہ میں 11 ارب 37 کروڑ ڈالر کی بلند ترین سطح پر

    ادارہ شماریات کے مطابق مالی سال 2027 کے پہلے چار ماہ میں پاکستان کی برآمدات 11 ارب 37 کروڑ ڈالر کی بلند ترین سطح پر پہنچ گئیں۔

    اعداد و شمار کے مطابق پچھلے سال کے اسی عرصے کے مقابلے میں یہ اعداد و شمار 8.8 فیصد زیادہ ہیں۔

    مالی سال 2026 کے پہلے چار ماہ میں پاکستان کی برآمدات 10 ارب 40 کروڑ ڈالر تھیں، جو رواں مالی سال کے اسی عرصے میں بڑھ کر 11 ارب 37 کروڑ ڈالر ہو گئیں۔

    یہ اعداد و شمار جولائی تا اکتوبر کی مدت کے لیے ریکارڈ کی گئی بلند ترین برآمدات ہیں، جو ملکی بیرونی تجارت میں مسلسل بہتری کو ظاہر کرتے ہیں۔