Tag: محکمہ صحت آزاد کشمیر

  • کوٹلی برن یونٹ محکمہ صحت کے حوالے، دوسرے مرحلے کا اعلان

    کوٹلی برن یونٹ محکمہ صحت کے حوالے، دوسرے مرحلے کا اعلان

    کشمیر آرفن ریلیف ٹرسٹ (کورٹ) کی جانب سے ڈسٹرکٹ ہیڈکوارٹر اسپتال کوٹلی میں قائم کردہ برن یونٹ محکمہ صحت آزاد کشمیر کے حوالے کر دیا گیا ہے۔

    اس سلسلے میں منعقدہ تقریب میں صدر آزاد جموں و کشمیر ڈاکٹر محمد نجیب خان نے بطور مہمان خصوصی شرکت کی۔ وزیر صحت عامہ ڈاکٹر مصطفی بشیر، چیئرمین کورٹ چوہدری محمد اختر، اراکین قانون ساز اسمبلی اور مقامی طبی حکام بھی اس موقع پر موجود تھے۔

    تقریب کے دوران سیکرٹری صحت آزاد کشمیر بریگیڈیئر تاشفین بن نذیر اور کورٹ کے چیف ایگزیکٹو آفیسر مسٹر عثمان نے برن یونٹ کی حوالگی اور وصولی سے متعلق دستاویزات کا تبادلہ کیا۔

    برن یونٹ کی حوالگی 16 نومبر 2026 کو مرکز کے افتتاح کے بعد عمل میں آئی ہے۔ یہ مرکز، جس کا سنگ بنیاد جنوری 2023 میں رکھا گیا تھا، آزاد جموں و کشمیر میں اپنی نوعیت کی پہلی سہولت ہے، جو جلنے والے مریضوں کو ان کے گھر کے قریب ماہر علاج فراہم کرے گا۔

    بعد ازاں سیکرٹری صحت نے ڈی ایچ کیو اسپتال کوٹلی کا دورہ بھی کیا، جہاں انہوں نے اسپتال کے طبی عملے سے ملاقات کی اور وزیر صحت کی زیر صدارت منعقدہ اجلاس میں شرکت کی۔

    برن یونٹ کی حوالگی کے بعد منصوبے کا دوسرا مرحلہ شروع کیا جائے گا، جس کے تحت عملے کی آسامیوں کی منظوری، بھرتی، تربیت اور تنخواہوں کے لیے مستقل بجٹ کی فراہمی کے اقدامات کیے جائیں گے تاکہ یونٹ کو طویل المدتی بنیادوں پر فعال اور پائیدار انداز میں چلایا جا سکے۔

  • جہلم ویلی میں ہفتہ وار کلینیکل روٹیشن پروگرام جاری، ماہر ڈاکٹرز کی خدمات

    جہلم ویلی میں ہفتہ وار کلینیکل روٹیشن پروگرام جاری، ماہر ڈاکٹرز کی خدمات

    جہلم ویلی میں عوام کو معیاری طبی سہولیات کی فراہمی کے لیے آزاد حکومت کا ہفتہ وار کلینیکل روٹیشن پروگرام جاری ہے، جس کے تحت مظفرآباد کے میڈیکل کالج کے سینئر اور ماہر ڈاکٹرز ضلعی اسپتالوں میں خدمات انجام دے رہے ہیں۔

    وزیراعظم اور وزیر صحت کے وژن کے مطابق شروع کیے گئے اس پروگرام کے تحت مظفرآباد کے میڈیکل کالج کے ماہر ڈاکٹرز نے ڈسٹرکٹ ہیڈکوارٹر اسپتال میں کلینیکل ڈیوٹی سرانجام دی۔

    پروفیسر ڈاکٹر فرزانہ صابر، سرجیکل اسپیشلسٹ، اور پروفیسر ڈاکٹر سہیل خان راجہ، ماہر امراض پھیپھڑا و سانس نے اسپتال آنے والے مریضوں کا تفصیلی طبی معائنہ کیا۔

    ماہرین نے مختلف وارڈز میں داخل مریضوں کی صحت کا جائزہ لیا اور انہیں ضروری طبی مشوروں کے ساتھ علاج معالجے کی سہولیات بھی فراہم کیں۔

    کلینیکل روٹیشن پروگرام کا مقصد تجربہ کار اور مستند ڈاکٹرز کی خدمات ضلعی اسپتالوں تک پہنچانا ہے تاکہ مریضوں کو مظفرآباد یا دیگر بڑے شہروں کا سفر نہ کرنا پڑے۔

    پروگرام سے بالخصوص دور دراز علاقوں کے ان شہریوں کو فائدہ پہنچانے کی کوشش کی جا رہی ہے جنہیں ماہر ڈاکٹروں تک رسائی کے لیے طویل سفر اور اضافی اخراجات کا سامنا کرنا پڑتا ہے۔

    ہفتہ وار کلینیکل روٹیشن کا تسلسل ضلعی اسپتالوں میں طبی خدمات کی بہتری اور ماہرین صحت کی دستیابی بڑھانے کی جانب اہم پیش رفت ہے، جس کے ذریعے عوام کو ان کے اپنے علاقوں میں معیاری علاج کی سہولیات فراہم کرنے کے حکومتی منصوبے کو عملی شکل دی جا رہی ہے۔

  • کوٹلی برن یونٹ محکمہ صحت آزاد کشمیر کے سپرد

    کوٹلی برن یونٹ محکمہ صحت آزاد کشمیر کے سپرد

    کشمیر آرفن ریلیف ٹرسٹ (کورٹ) کی جانب سے ڈسٹرکٹ ہیڈکوارٹر ہسپتال کوٹلی میں قائم کردہ برن یونٹ محکمہ صحت آزاد کشمیر کے حوالے کر دیا گیا ہے۔

    اس سلسلے میں منعقدہ تقریب میں صدر آزاد جموں و کشمیر ڈاکٹر محمد نجیب خان نے بطور مہمان خصوصی شرکت کی۔ وزیر صحت عامہ ڈاکٹر مصطفیٰ بشیر، چیئرمین کورٹ چوہدری محمد اختر، اراکین قانون ساز اسمبلی اور مقامی طبی حکام بھی اس موقع پر موجود تھے۔

    تقریب کے دوران سیکرٹری صحت آزاد کشمیر بریگیڈیئر تاشفین بن نذیر اور کورٹ کے چیف ایگزیکٹو آفیسر عثمان نے برن یونٹ کی حوالگی اور وصولی سے متعلق دستاویزات کا تبادلہ کیا۔

    بعد ازاں سیکرٹری صحت نے ڈی ایچ کیو ہسپتال کوٹلی کا دورہ بھی کیا، جہاں انہوں نے ہسپتال کے طبی عملے سے ملاقات کی اور وزیر صحت کی زیر صدارت منعقدہ اجلاس میں شرکت کی۔

    برن یونٹ کی حوالگی کے بعد منصوبے کا دوسرا مرحلہ شروع کیا جائے گا، جس کے تحت عملے کی آسامیوں کی منظوری، بھرتی، تربیت اور تنخواہوں کے لیے مستقل بجٹ کی فراہمی کے اقدامات کیے جائیں گے تاکہ یونٹ کو طویل المدتی بنیادوں پر فعال اور پائیدار انداز میں چلایا جا سکے۔